Pasditen e kësaj të hëne, ka vdekur njëri nga avokatët mbrojtës të ish-kreut të UÇK-së Kadri Veselit në Hagë, Andrew Strong.

Ish-këshilltari i Veselit, Avni Bytyçi ka thënë se Andrew me plotë meritë e meriton titullin avokat mbrojtës i Ushtrisë Çlirimtarë të Kosovës, përcjell Arbresh.info

Siç thotë Bytyçi në një postim në Facebook, Andrew ishte amerikan, por me zemër shqiptar ndërsa thekson se jetoi duke mbrojtur historinë e luftës tonë çlirimtare.

Lexo edhe:

Vdes Andrew Strong, avokati i mbrojtjes së Ramush Haradinajt në Hagë

“Para pak çastesh ka vdekur Andrew Strong, avokat i z. Kadri Veseli. Andrew për të gjithë ne ka përfaqësuar idealen, besnikërinë dhe njëriun e palodhshëm që lufton për të vërtetën. Andrew Strong me plot meritë e meriton titullin avokat mbrojtës i Ushtrisë Çlirimtare të Kosovës. Ai kishte mbrojtur edhe z. Haradinaj në Hagë. Andrew ishte amerikan, por me zemër ishte shqiptar. Fliste bukur shqip dhe e donte fort Kosovën. Ai jetoi duke e mbrojtur histrorinë e luftës tonë çlirimtare. Me quante vëlla në shqip, e me trajtonte si të tillë. Do të na mungojë shumë të gjithëve që e njohem dhe punuam me të. Ngushëllime gruas së tij Rachel, dhe tre fëmijeve që la pas”, ka shkruar Bytyçi.

Po ashtu, avokati Andrew ishte edhe pjesë e ekipit mbrojtës të Ramush Haradinajt në Hagë./Arbresh.info