Ambasadorja e Izraelit në Kosovë, Tammy Ziv, ka falenderuar nënkryetarin e Kuvendit Enver Hoxhaj i cili dënoi ashpër sulmin e Iranit kundër Izraelit.

Përmes rrjetit social X, ajo shkruan se e falenderon ngrohtësisht nënkryetarin e Kuvendit të Kosovës, Enver Hoxhaj, i cili dënoi sulmin e Iranit kundër Izraelit, shkruan Arbresh.info.

“Veprimet e sotme nga Irani kundër Izraelit përbëjnë një sulm ndaj rendit demokratik dhe të bazuar në rregulla nga regjimi i Ayatollah. Kosova qëndron me vendosmëri pranë popullit izraelit, duke ofruar mbështetje për mbrojtjen e tyre kundër kërcënimeve të tilla iraniane.”, ka shkruar Hoxhaj.

Këtij shkrimi ambasadorja izraelite ia ka bashkangjitur falenderimin.

Ju faleminderit ngrohtësisht, Prof. Dr. @Enver_Hoxhaj, Nënkryetar i Kuvendit të Republikës së Kosovës!
Falemnderit, toda raba, thank you Kosovë!#Israel #Kosova ????? https://t.co/UmL97QL4qb

— Tammy Ziv ?? (@AmbTammyZiv) April 14, 2024