Përzgjedhja e gjermanit Beyer është mirëpritur nga ambasadorët e Kosovës Beqë Cufaj dhe Mimoza Ahmetaj.

Ahmetaj përmes një “cicërime” në Twitter ka uruar Peter Beyer, duke falenderuar poashtu për mbështetje “CoE” (Këshillin Evropian) dhe “PACE_News”.

“Urime për @Peter_Beyer që u zgjodhë si raportues në #Kosovë. Kosova mezi pret të bashkëpunojë me ju.

Faleminderit @PACE_News @CoE për mbështetjen që i keni dhënë vlerave të vërteta demokratike.” ka shkruar Ahmetaj.

Peter Beyeri është deputet i Bundestagut gjerman nga partia e CDU-së së Angela Merkelit dhe kosovarët e mbajnë mend nga vizita e tij në Prishtinë kur tha se liberalizimi i vizave mund të vijë si dhuratë për Krishtlindje, pikërisht rreth 25 dhjetorit, datë kur ai e feston edhe ditëlindjen e tij.

Në vitin 2009, 2013 dhe 2017 ai u zgjodh deputet i Bundestagut gjerman për të përfaqësuar qytetarët e Heiligenhausit, Ratingenit, Velbertit dhe Wulfrathit.

Beyeri është një nga njerëzit që promovon dhe lobon për një marrëdhënie të fortë me Shtetet e Bashkuara të Amerikës dhe Kanadanë.

Gratulation an @Peter_Beyer https://t.co/DCcywUKD5a

— Beqë Cufaj (@beqecufaj) November 14, 2019

After a successful election of rapporteur on #Kosovo, am enjoying the discussion at #PACE @coe meeting in @Bundestag with @n_roettgen on global relevant political issues. Amazing opportunity to listen informations from a first hand on German approach on geopolitics. pic.twitter.com/fkl7zmEy5e

— Mimoza Ahmetaj (@AhmetajMimoza) November 14, 2019