Zyrtari i Lëvizjes Vetëvendosje, Arbër Zaimi, ka thënë se pret që Albin Kurti të jetë shembull pozitiv, por kurrë arrogant, për shqiptarët e rajonit.

Me anë të një shkrimi në Facebook Zaimi ka shtuar se pas dy ditësh plot me takime në Tiranë, Kurti do të kthehet në Prishtinë ku e rpesin punë të rëndësishme.

“Pas dy ditësh intensive, me plot takime të rëndësishme, të domosdoshme e po ashtu miqësore, Albini la Tiranën me diell, për t’u kthyer në Prishtinë ku e presin punë edhe më të rëndësishme”, ka thënë Zaimi.

“Sa më shpejt që vjen në pozitën për të cilën e mandatoi populli i Kosovës, aq më shpejt do të fillojë ndryshimi i pritur, i cili synon të jetë shembull pozitiv, por kurrë arrogant, për shqiptarët e për rajonin”

Kurti ka qëndruar që dy ditë në kryeqytetin shqiptar ku ka marrë pjesë në Samitin e Paqes së Europës Juglindore. Përveç takimit, Kurti është takuar edhe me shumë fytyra të rëndësishme të politikës shqiptare. Ai ka pasur takim me presidentin e Shqipërisë, Ilir Meta, kryeministrin, Edi Rama, kreun e PD’së, Lulzim Basha etj…

Kurti ka paralajmëruar një takim me kryetarin e LDK’së, Isa Mustafa, ku do të flitet për lidhjen e koalicionit paszgjedhor. Po ashtu ai ka shtuar se nesër në takimin e grupeve punuese të LDK’së dhe VV’së do të flitet kryesisht për çështje ekonomike. VV dhe LDK janë dy partitë fituese të zgjedhjeve të parakohshme në Kosovë. /Express/

https://www.facebook.com/zaimi/posts/10156512144026129