Alban Hyseni ka nisur me rrënime të objekteve ditën e parë të mandatit të dytë në krye të Gjilanit.

Me anë të një postimi në Facebook, Hyseni tha se është rrënuar objekti i Administratës dhe i objekteve përcjellëse, pas vendimit të shumëpritur nga Instituti për Trashëgimi Kulturore, transmeton Arbresh.info.

Sipas Hysenit, ky është një moment historik për Gjilanin.

“Dita e parë e mandatit të dytë nis me projektin e Bulevardit të Qytetit! Rrënimi i objektit të Administratës dhe i objekteve përcjellëse, pas vendimit të shumëpritur nga Instituti për Trashëgimi Kulturore, është moment historik për Gjilanin tonë. Në këtë mandat, projektet që i kemi nisur do të vazhdojnë me ritëm më të fuqishëm, e projektet e reja do ta bëjnë edhe më të bukur qytetin”, ka shkruar Hyseni./Arbresh.info