Policia ka zhvilluar një aksion në të cilin është arrestuar një 28-vjeçar në Prishtinë, pasi i njëjti ishte i dënuar me 2 vjet e 2 muaj burgim për substanca narkotike.

Këtë e ka konfirmuar zëdhënësit i policisë, Enis Pllana i cili bëri të ditur se i dyshuari ishte në kërkim edhe për dhunë në familje,

“Arrestohet një person i dënuar për posedim të paautorizuar të narkotikëve. Drejtoria e Policisë së Kryeqytetit po vazhdon ndërmarrjen e veprimeve policore me qëllim kapjen e personave të dyshuar dhe atyre të dënuar si autor të veprave penale. Në kontekstin e kësaj, sonte nga veprimet e marra nga njësitë e stacionit policor Veriu në Prishtinë, është arritur arrestimi i personit të kërkuar”, tha Pllana.

“T.B, mashkull, 28 vjeç, shtetas i Republikës së Kosovës, i dënuar me 2 vite e 2 muaj burgim për veprën penale “Blerje, posedim dhe shitje e paautorizuar e narkotikëve”, si dhe në kërkim si i dyshuar për “Dhunë në familje”. Po ashtu, gjatë operacionit të dyshuarit i është gjetur edhe një sasi e dyshuar e substancave narkotike. I njëjti pas arrestimit nga ana e policisë është dërguar në vuajtje të dënimit”, tha Pllana.