Një burrë dhe një grua kanë humbur jetën mbrëmë si pasoj e një aksidenti trafiku, mes furgonit në të cilin ndodheshin viktimat dhe trenit në fshatin Krushevë e Madhe të Klinës, raporton Policia e Kosovës.

Sipas Policisë, aksidenti dyshohet se ka ndodhur pasi shoferi i furgonit nuk e ka ndaluar automjetin në shenjën STOP para vendkalimit mbi hekurudhë me ç’rast është goditur nga treni, shkruan Arbresh.info.

Me urdhër të prokurorit, viktimat janë dërguar në obduksion.

“Krushevë e Madhe, Klinë / 09.03.2024 – 18:10. Një mashkull dhe një femër kosovar-e kanë mbetur të vdekur si pasojë e një aksidenti që ka ndodhur midis automjetit (furgon) që po udhëtonin dhe një treni. Aksidenti dyshohet se ka ndodhur pasi drejtuesi i automjetit (i vdekuri) nuk e ka ndaluar automjetin në shenjën STOP para vendkalimit mbi hekurudhë me ç’rast është goditur nga treni. Vdekjen e viktimave e ka konstatuar ekipi mjekësor. Me urdhër të prokurorit trupat e pajetë të viktimave janë dërguar në obduksion”, thuhet në raportin 24 orësh të Policisë së Kosovës./Arbresh.info

Lexo edhe:

Pamje nga aksidenti mes një treni dhe një kombi në Klinë

Pamje nga aksidenti mes një treni dhe një kombi në Klinë