Katër persona janë lënduar si pasojë e një askidenti në  autostradën “Ibrahim Rugova” përkatësisht në drejtimin Suharekë – Duhel.

Lajmin për Arbresh.info e ka konfirmuar zëdhënësi i policisë, Daut Hoxha i cili tha se në aksident janë përfshirë 2 automjete.

“Sot, rreth orës 15:00, në autostradën “Ibrahim Rugova”, në drejtimin Suharekë – Duhel, në kilometrin 41, ka ndodhur një aksident trafiku mes dy automjeteve: 1. Audi A3, ngjyrë e zezë, me targa vendore, dhe 2. Kamionetë Mercedes, ngjyrë e gjelbër, mercedes. Si pasojë e aksidentit, katër persona kanë mbetur të lënduar, të cilët janë transportuar me autoambulancë për trajtim mjekësor. Policia ka dalë menjëherë në vendngjarje për te kryer hetimet për shkaqet e aksidentit”, deklaroi Hoxha.

Policia e Kosovës rikujton të gjithë pjesëmarrësit në trafik që të respektojnë rregullat e trafikut dhe të shtojnë kujdesin, veçanërisht në autostrada dhe rrugë me frekuentim të lartë.

-Respektoni shpejtësinë e lejuar;

-Mbani distancën e sigurisë;

-Mos drejtoni automjetin nën ndikimin e alkoolit apo lodhjes;

-Përdorni rripat e sigurisë;

-Mos përdorni telefonin gjate vozitjes./Arbresh.info/