Tre persona kanë pësuar lëndime si pasojë e një aksidenti zinxhiror që përfshiu tetë vetura, i cili ndodhi pasditen e sotme në fshatin Zhur të Prizrenit.

Lajmin e ka konfirmuar për Arbresh.info,  zëdhënësi i Policisë së Kosovës, Daut Hoxha, i cili njoftoi se për shkak të aksidentit, rruga është përkohësisht e bllokuar.

“Apelojmë tek të gjithë shoferët që gjatë vozitjes të respektojnë rregullat e trafikut, të zvogëlojnë shpejtësinë dhe të tregojnë kujdes të shtuar për sigurinë e tyre dhe të tjerëve”, deklaroi Hoxha.

Ai shtoi se qytetarët duhet të përdorin rrugë alternative deri në normalizimin e gjendjes në vendin e ngjarjes.

“Pas raportimeve shtesë nga kompetentët do të njoftoheni për informacione të tjera”, përfundoi zëdhënësi i Policisë./Arbresh.info