Një aksident trafiku ka ndodhur sot në rrugën Prishtinë- Fushë Kosovë, ku i cili fatkeqësisht ka përfunduar me vdekjen e një personi.

Lajmin për Arbresh.info e ka konfirmuar zëdhënësja e Policisë së Kosovës, Flora Ahmeti.

“Në këtë aksident, kanë qenë të përfshirë, një këmbësore dhe një automjet në lëvizje. Si pasojë e aksidentit, lëndime kanë pësuar dy persona.Lëndime të rënda trupore ka pësuar këmbësorja e cila nuk ka arritë të përballojë plagët dhe e njëjta ka ndërruar jetë .Vdekjen e viktimës e ka konstatuar ekipi mjekësor në vendngjarje”, tha Ahmeti.

Tutje, bëhet e ditur se personi tjetër i lënduar është dërguar për tretman mjekësor, dhe policia po heton rastin.

“Ndërkohë që e lënduara tjetër, ngasësja e automjetit është dërguar për tretman mjekësor.Aktualisht policia ka nisë një hetim për zbardhjen e rrethanave që kanë quar deri te ky aksident trafiku”, tha Ahmeti./Arbresh.info/