Një aksident me fatalitet ka ndodhur rreth orës 17:15 në fshatin Krushë e Madhe.

Të përfshirë në këtë aksident kanë qenë një automjet dhe një këmbësor, shkruan Arbresh.info/

Si pasojë e këtij aksidenti, ka ndërruar jetë këmbësori.

Zëdhënësi i Policisë së Kosovës për Rajonin e Gjakovës, Sheremet Elezaj bëri të ditur për Arbresh.info se në lidhje me këtë rast, është arrestuar shoferi i automjetit.

“Rreth orës 17:15 është raportuar aksident trafiku në fshatin Krushë e Madhe, në rrugën që lidh Gjakovën me Prizrenin. Policia ju ka përgjigjur rastit, ku të përfshirë në aksident kanë qenë një automjet dhe një këmbësor (mashkull i moshës madhore). Këmbësori është dërguar për trajtim mjekësor, nga jemi njoftuar se i njëjti ka ndërruar jetë. Shoferi i automjetit, i dyshuar për përfshirje në aksident, është arrestuar dhe me vendim të Prokurorit të Shtetit, është dërguar në mbajtje”, tha Elezaj./Arbresh.info/