Aleanca Kosovare e Bizneseve (AKB) dje ka organizuar një darkë në përmbyllje të aktiviteteve për vitin 2023.

Kryetari i AKB-së, Agim Shahini, tha se viti 2023, ishte i rëndë për ekonominë e Kosovës, teksa foli për përfaqësimin e Kosovës në Organizatën Botërore të Tregtisë, shkruan Arbresh.info.

“Ne kemi bërë shumë që Kosovën ta promovojmë jo vetëm në arenën vendore por edhe atë ndërkombëtare. Vlen të theksohet se AKB-ja e përfaqësoi Kosovën në Organizatën Botërore të Tregtisë në Gjenevë, e cila ishte e vetmja përfaqësuese e Ballkanit.Ne e kishim kënaqësinë ta përfaqësonim Kosovën atje me zërin tuaj.Kosova po kalon në etapa të ndryshme por asnjëherë në etapa sanksione, por këto sanksione kanë krijuar debalanc të madh në integrimin e Kosovës, dhe investimeve në Kosovës”, u shpreh Shahini.

Vit të rëndë e konsideroi edhe kryetari i Aleancës për Ardhmërinë e Kosovës (AAK), Ramush Haradinaj.

Në fjalën e tij, ai uroi qytetarët për liberalizimin e vizave.

“Nuk ka qenë viti i suksesshëm në ekonomi dhe pritjet nuk janë të mëdha. Me urimin që ky vit të jetë i suksseshëm dhe u uroj atyre të drejtën për të lëvizur lirshëm. Unë do të mbetem besnik i juaji i asaj me bashkëpunu u dhe me i përkrah prodhimet vendore”, tha Haradinaj.

Në fund, AKB-ja ndau disa mirënjohje për kompani dhe personalitete të ndryshme./Arbresh.info/