Kreshnik Ahmeti, ish-shefi i kabinetit të ministrit në detyrë të Punëve të Jashtme, ka komentuar hapjen e konkursit të rekrutimit të stafit të ri nga Ministria e Punëve të Jashtme,

Ai përmes një postimi në facebook ka shkruar se kjo ka qenë e panevojshme, shkruan arbresh.info.

Ahmeti ka shtuar gjithashtu se interesi është tjetër ku, jo te forcimi i Shërbimit të Jashtëm.

“Pas tejzgjatjes së mandateve për fëmijët e anëtarëve të kabinetit qeveritar dhe për fëmijët e figurave të PDK-së, Ministrja e Punëve të Jashtme paska hapur konkurs për rekrutimin të stafit të ri.
Po të bënte analizën e duhur paraprakisht, do ta kuptonte që kjo është e panevojshme. Po ta bënte rotacionin diplomatik si duhet, do ta zgjidhte çështjen e kapaciteteve të misioneve diplomatike pa konkurs dhe shpenzime shtesë. Por, interesi është tjetër ku, jo tek forcimi i Shërbimit të Jashtëm.
Do të jetë interesante të shohim se si ndërrimet e grupeve parlamentare në Kuvendin e Kosovës, do të reflektohen edhe në rezultatet e këtij konkursi”, ka shkruar ai./arbresh.info/