Kryetari i Komunës së Prishtinës, Shpend Ahmeti, përmes një postimi të bërë në FB ka njoftuar se në ditët në vijim do të nis procesi për ndarjen e granteve për mikrobizneset dhe bizneset e vogla.

Ai thotë që janë ndarë 5 milionë euro, ndërsa edhe një fond prej 100 mijë euro për mediat që janë në Prishtinë.

Ky është postimi:

Në ditët në vijim do të fillojmë procesin e ndarjes së granteve për mikrobizneset dhe bizneset e vogla. Kemi ndarë 5 milion euro për këtë qëllim. Duke marr parasysh numrin e bizneseve në Prishtinë kjo është ndihmë e vogël por për mikro dhe bizneset e vogla mund të jetë domethënëse në pandemi. Procesi do të jetë transparent (online).

Po ashtu kemi ndarë një fond prej 100 mijë eurosh për mediat që janë në Prishtinë. Raportimi dhe gazetaria janë tepër të rëndësishme dhe vështirësitë financiare nuk mund të jenë arsye e mbylljes për shumicën prej tyre në këtë kohë. Komisioni për ndarjen do të jetë me shumicë nga vetë përfaqësuesit e këtij grupi me përfaësuesit e të cilëve jam takuar javën e kaluar.