Kryetari i Komunës së Prishtinës, Shpend Ahmeti, priti sot në takim një delegacion të deputetëve nga pjesa frankofone e Belgjikës, ku u diskutua për projektet e realizuara në Komunën si dhe për problemet me të cilat ballafaqohemi si shtet.
Duke folur për Prishtinën, Ahmeti numëroi 11 zotimet e realizuara për 3 vite, nga 12 sa ishin gjithsej, duke filluar nga furnizimi me ujë, reforma në transport publik, dyfishimi i numrit të çerdheve, reforma në shëndetësi e arsim, trajtimi i barabartë dhe hapja e komunës ndaj qytetarëve. Gjithashtu, u diskutua për luftimin e korrupsionit dhe krimit të organizuar në Prishtinë, me theks të veçantë tek ndalja e kaosit urbanistik.
Nga problemet kryesore të shtetit të Kosovës, Ahmeti veçoi qasjen e gabuar të Qeverisë sonë, sidomos në politikë të jashtme, si dhe nivelin e lartë të korrupsionit dhe papërgjegjësisë institucionale.
Deputetët e pranishëm në këtë takim vlerësuan lart punën e Komunës së Prishtinës, dhe shprehën interesim për bashkëpunim të mëtutjeshëm, duke i ngritur temat problematike të shtetit tonë në institucionet ku veprojnë.
Çështja e presidentit, Gashi: Sjellje e dhunshme për ndryshi...
Bugaqku: Çka ka ndodhur dje në Kuvend është raund i pavlefsh...
Ende asnjë deputetë në sallë, seanca u lajmërua për në orën ...
Në pritje të seancës, Abdixhiku shihet në ambientet e Kuvend...
A po bëhemi me president? Flet Albin Kurti
Behrami akuzon Kurtin: Po synon ta mbajë Haxhiun sa më gjatë...
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
