Kryetari i Komunës Shpend Ahmeti, në një prononcim për medie e sqaroi shkarkimin e drejtorit të Arsimit Jonuz Salihaj.

Ai tha se ky shkarkim u bë me kërkesë të AAK-së për shkak mos pajtueshmërisë të punës të cilën e bënte Salihaj, raporton arbresh.info.

Ahmeti gjithashtu tha se deri ne fund të kësaj jave do të emërohen edhe drejtorë të rinj.

“Këtu për shkak drejtorive të zbrazëta e kemi bërë një rritje. Ai është liruar nga detyra me kërkesë të AAK së për shkak mospajtimeve. Ata nuk janë pajtuar me punën e tij. I kemi bërë disa ndryshime dhe me këtë rast i kemi bërë disa edhe ne drejtori. Adonis Tahiri është drejtor i ri inspekcionit dhe deri në fund të javës do emërojmë edhe drejtorë të rinj. Kjo o më e mira për me e rrit efektivitetin. AAK do ta kenë edhe drejtorinë e administratës”, tha ai.

Veç tjerash ai tha se PSD do t’i ketë Drejtorinë e Inspekcionit dhe të Arsimit./Arbresh.info/