Këshilltari ligjor në Lëvizjen Vetëvendosje, Adnan Rrustemi ka thënë se kanë qenë të bindur se dekreti për Qeverinë Hoti ka qenë i padrejtë.

I pyetur nëse ky vendin ia pamundëson Albin Kurtit kandidimin në zgjedhjet e ardhshme Rrustemi është përgjigjur.

“Është një interpretim i gabuar nga disa. Zoti Kurti ka qenë i dënuar me kusht. Dënimi me kusht në bazë të Kodit Penal nuk ka efekte dhe pasoja juridike”, tha Rrustemi në RTV Dukagjini.

Rrustemi thotë se thelbi i vendimit të Kushtetueses ka të bëjë me ata që janë dënuar me 1 vit e më shumë më burg.

I pyetur nëse Gjykata Kushtetuese konsiderohet edhe tash e kapur, Rrustemi është përgjigjur.

“Gjykata kushtetuese ka nxjerr aktgjykime të padrejta shumë herë, por aktgjykimi i sotëm konfirmon se vendimi i Presidentit për dekretimin e Hotit ishte i padrejtë…Për ne aktgjykimet e padrejta mbeten të tilla dhe duhet të trajtohet specifikisht secili rast dhe secili akt, pastaj marrin kuptim në raste të caktuara”, tha ndër të tjera Adnan Rrustemi.