Ish-deputeti i Partisë Demokratike të Kosovës, Adem Grabovci, ka reaguar pas vdekjes së nipit të tij, i cili u gjet pa shenja jete këtë të enjte në Prishtinë.

Përmes një postimi në llogarinë e tij në Facebook, Grabovci ka thënë se kjo ishte “stuhia më e rëndë” për të.

“NAZMI, nuk të kisha vetëm shenjë të vëllaut, të kisha bashkëluftetar, shokë e gjithçka në jetë, mbeshtetësha shumë tek ti. Sot, më mundove fortë bre NAZ…. Të qoftë i lehtë dheu i Kosovës që Ti e deshe aq shumë”, ka shkruar Grabovci.

Ndryshe, një person është gjetur sot pa shenja jete sot në orën 12:00 në lagjen “Emshir” të Prishtinës.

Lajmin e ka konfirmuar zëdhënësi i Policisë së Kosovës, Agron Borovci, i cili tha se viktima është 50 vjeç dhe ka elemente të vetëvrasjes.

“Rreth orës 12:00, kemi pranuar informatën për një trup të pa jetë, në një veturë në lagjen “Emshir” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, rreth 50 vjeç. Mbështetur në informacionet e para, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe po vijon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, tha Borovci./arbresh.info/

LEXO EDHE

Një person gjendet pa shenja jete në Prishtinë, dyshohet për vetëvrasje – Arbresh.info