Kryetari i Lidhjes Demokratike të Kosovës (LDK), Lumir Abdixhiku, ka vizituar lagjen e qytetit të Prizrenit, Arbanë e fshatin Gjonaj.

Ai me anë të një postimi në Facebook, ka thënë se njerëzit që ka takuar ishin të mrekullueshëm e që presin dhe meritojnë më mirë, shkruan Arbresh.info

Kreu i LDK-së thekson se anekënd Kosovës, e me çdo dorështrëngim, Lidhja po forcohet, dhe Rruga e Re po vjen, e me të po kthehet edhe shpresa për Kosovën.

Postimi i tij:

Komunikimin e drejtpërdrejtë me qytetarë si pjesën më të rëndësishme të angazhimit tim – e vazhdova sot në lagjen e qytetit të Prizrenit, Arbanë e fshatin Gjonaj. Njerëz e familje të mrekullueshme që presin e meritojnë më mirë.

Përkundër sfidave të përbashkëta, ata në punën e tyre të përditshme nuk e humbasin asnjëherë shpresën për një jetë më të mirë. Këtë e ofroj unë dhe ekipi im. Sepse nën udhëheqjen tonë, asgjë nuk vjen para mirëqenies së qytetarëve tanë! Sepse shpresa që kërkon ndryshimin gjithmonë e gjen rrugën – e Rruga e Re është rruga e vetme për Kosovën që duam.

Anekënd Kosovës, e me çdo dorështrëngim, Lidhja jonë po forcohet. Rruga e Re po vjen, e me të po kthehet edhe shpresa për Kosovën.