Abdixhiku: Vrasja dhe masakrimi i 45 civilëve të Reçakut ishte moment kthese dhe tronditje për botën demokratike

13:18 | 15 Janar 2022
Gita

Masakra e Reçakut ishte moment kthese për botën demokratike. Kështu thotë kreu i Lidhjes Demokratike të Kosovës, Lumir Abdixhiku në 23 vjetorin e kësaj masakre.

Në këtë përvjetor, Abdixhiku ka përkujtuar burrat e gratë, fëmijët e pleqtë që përjetuan krimin më mizor në janarin e vitit 1999, në Reçak, shkruan arbresh.info

“23 vjet më parë, në orët e hershme të mëngjesit të 15 janarit, ndodhi Masakra e Reçakut, njëra ndër krimet më makabre të regjimit serb mbi popullatën civile të Reçakut. Akti barbar e çnjerëzor i shtetit serb mbi njerëz të pafajshëm alarmoj opinionin ndërkombëtar, madje ish-Ambasadori i OSBE-së, William Walker i tronditur e pa me sytë e tij këtë ngjarje të tmerrshme. Ai mbajti gjallë sensibilizimin ndërkombëtar për këtë krim monstruoz të kryer nga Serbia”, shkruan Abdixhiku në Facebook./arbresh.info/