Abdixhiku uron Xhaferin: Le të jetë ky një inspirim për secilin shqiptar tjetër në këtë Republikë

15:13 | 28 Janar 2024
D.H

Kryetari i Lidhjes Demokratike të Kosovës, Lumir Abdixhiku ka uruar kryeministrin e sapo zgjedhur shqiptar në Maqedoninë e Veriut, Talat Xhaferi.

Ai përmes një postimi në rrjetin social Facebook, ka shkruar se në emër të të gjithë anëtarësisë së LDK-së e urojnë Xhaferin, për arritjen historike në zgjedhjen si Kryeministër i Maqedonisë së Veriut, shkruan Arbresh.info.

“Le të jetë ky një inspirim për secilin shqiptar tjetër në këtë Republikë, në vazhdimin e kësaj rruge, tashmë të shtruar me plot dinjitet dhe sakrificë. Shqiptarët, si popull autokton, janë jo vetëm faktor stabiliteti në Maqedoni të Veriut, por dhe prijës të denjë në gjithë rrugëtimin euroatlantik për secilën shoqëri. Talat Xhaferi është i tillë!”, ka shkruar i pari i LDK-së.

Talat Xhaferi është zgjedhur kryeministri i parë shqiptar në historin e shtetit të Maqedonisë së Veriut./Arbresh.info/