Kryetari i Lidhjes Demokratike të Kosovës (LDK), Lumir Abdixhiku i ka shprehur ngushëllime tri familjeve që humbën djemtë e tyre nga shembja e një objekti në Jabllanicë të Gjakovës.

Abdixhiku ka kërkuar nga organet kompetente të zhvillojnë hetim të plotë dhe të shpejtë për të sqaruar rrethanat e kësaj tragjedie, shkruan Arbresh.info.

“Me rastin e ngjarjes tragjike në Jabllanovicë të Gjakovës, ku humbën jetën tre fëmijë, kryetari i LDK-së, Lumir Abdixhiku ju shpreh ngushëllime familjeve dhe qëndron me ta në këto momente të rënda. Me dhimbje e pikëllim të thellë morëm lajmin tragjik për humbjen e tre fëmijëve në tragjedinë në Jabllanicë të Gjakovës”, ka thënë ai.

“Në emër të gjithë anëtarësisë së LDK-së, ju shpreh ngushëllimet e sinqerta familjeve, ndërsa në këto momente të vështira, qëndrojmë pranë tyre dhe lutemi që ta përballojnë këtë humbje të madhe. Po ashtu lus që të gjitha organet kompetente të zhvillojnë hetim të plotë dhe të shpejtë për të sqaruar rrethanat e kësaj tragjedie”, thuhet në reagimin e LDK-së./Arbresh.info/

LEXO EDHE:

Vdekja e tre të miturve në Jabllanicë të Gjakovës, policia thotë se objekti është shembur në rrethana të panjohura