Kandidati i Lidhjes Demokratike të Kosovës (LDK)për kryeministër, Lumir Abdixhiku, ka adresuar një mesazh mbështetjeje për qytetarët në Gadime, duke theksuar se fryma e ndryshimit po ndihet në çdo anë të Kosovës.

“Gadime, veç! Jo një qytet, jo një komunë; Gadime veç, jemi shumë! Ta kuptoni, LDK ka popullin pas!”, ka shkruar ai.

Ai ka vlerësuar përkushtimin e ekipit të LDK-së në terren, duke përmendur kryetarin e Lipjanit, Imri Ahmeti, si një udhëheqës që po ndihmon në ngritjen e frymës së ndryshimit.

“Imri Ahmeti me ekipin e tij, po ngrisin frymën e ndryshimit në çdo anë. Për këtë, jemi krenar!” – është shprehur Abdixhiku, duke shtuar se LDK do të dalë faqebardhë në zgjedhjet e 9 shkurtit.

Në përmbyllje të mesazhit të tij, Abdixhiku ka falënderuar qytetarët për mbështetjen e vazhdueshme, duke theksuar se LDK mbetet parti e popullit./Arbresh.info/