Ad Banner
Ad Banner
Ad Banner
Ad Banner

Abdixhiku kujton të rënët e Loxhës: Ne të gjallët të mos e harrojmë të kaluarën tonë të përgjakur

11:17 | 6 Korrik 2021
A Z

Në 23 vjetorin e Betejës së Loxhës, i pari i Lidhjes Demokratike të Kosovës, Lumir Abdixhiku, ka përkujtuar të rënët.

Abdixhiku thotë se Beteja e Loxhës është një ndër momentet kulminante të Ushtrisë Çlirimtare të Kosovës.

“Beteja e 6 korrikut 1998 në fshatin Loxhë të Pejës është një ndër momentet kulminante të Ushtrisë Çlirimtare të Kosovës, e cila rezultoi me fitore dhe zmbrapsjen e forcave serbe. Sot, bëhen 23 vjet nga beteja lavdishme e Loxhës, e komanduar nga strategu dhe komandanti, Tahir Zemaj. Luftëra pa gjak dhe dhimbje nuk ka, andaj në betejën e Loxhës ranë për të mos vdekur kurrë, dëshmorët e kombit: Rrustem Bruqi, Lumni Surdulli dhe Enver Alaj”.

“Gjaku i derdhur për liri, në Loxhën heroike është amanet për ne të gjallët që të mos e harrojmë të kaluarën tonë të përgjakur dhe të punojmë fort në forcimin e idealit të të rënëve për liri. Lavdi të rënëve në betejën e Loxhës”, është shprehur Abdixhiku.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm