Aleanca për Ardhmërinë e Kosovës ka koalicion me Nismën për Kosovën, në nivel qendror.

Mirëpo, ata nuk dihet nëse do shkojnë së bashku edhe në zgjedhjet lokale të cilat do të mbahen më 22 tetor.

Në një prononcimi për Indeksonline, zëdhënësi i AAK-së, Muharrem Nitaj ka thënë se kjo çështje është në kompetencën e degëve të AAK-së dhe NISMA-s.

“Çështja e koalicioneve të AAK-së, në nivelin lokal të zgjedhjeve që mbahen në tetor, është në diskrecionin dhe kompetencën e Degëve të AAK-së, e jo e nivelit qendror”, ka thënë Nitaj.

Sipas tij, ata vlerësojnë dhe mund të vendosin nëse do shkojnë vetë apo me ndonjë parti tjetër politike.

“Udhëheqjet lokale të AAK-së, vlerësojnë dhe mund të vendosin si dhe nëse do të shkojnë vetëm apo së bashku me ndonjë parti në zgjedhjet lokale”, ka shtuar ai./