Vaksinimi kundër gripit sezonal pritet të fillojë gjatë këtij muaji.

Në një përgjigje për arbresh.info, Ministria e Shëndetësisë bëri të ditur që janë porositur rreth 80.000 mijë vaksina për qytetarët.

“MSH pret që UNICEF-i t’i sjell ato në kohën optimale, ku janë porositur  rreth 80.000 vaksina për qytetarët”, thuhet në përgjigjen e MSH-së.

Prioritet për vaksinim sipas MSH-së kanë të moshuarit, personat me sëmundje kronike, gratë shtatzëna dhe fëmijët me imunitet më të dobët.

“Çdo qytetar që bën pjesë në kategorinë e rriskut për grip sezonal, do të ketë mundësin që të vaksinohet, prioritet janë:  te moshuarit, personat me sëmundje kronike, gratë shtatzëna dhe fëmijët me imunitet me te dobët.”, thuhet më tej në prononcimin e Ministrisë për arbresh.info.

Vaksinimi do të bëhet në çdo komunë të Kosovës.

Ndërsa në Maqedoni tashmë vetëm se ka filluar të merren vaksinat kundër gripit sezonal. /Kujtesë Berisha /arbresh.info/