Ministri i Shëndetësisë, Arben Vitia, sot ishte pjesë e Panelit të Shëndetësisë në Këshillin e Përgjithshëm të Lëvizjes Vetëvendosje.

Vitia, e filloi diskutimin duke treguar se Lëvizja për mbi një dekadë ka hartuar qëndrime, analiza e programe për çdo sektor të shëndetësisë dhe se politikat publike për shëndetësinë për herë të parë kanë zënë vend qendror.

Tutje ai tha se “Në politika e shprehura në legjislacion kemi pasur synim ligjin për shëndetësinë, ligjin për çmimin e barnave, ligjin për sigurimet shëndetësore, ligji për produktet dhe pajisjet medicinale”, shkruan Arbresh.info.

Vitia tha se pas pandemisë ka pasur ndërhyrje rrënjësore të klinikave të spitaleve, po ashtu ai foli edhe për shtimin e bugjetit, duke e cilësuar si një ndër sukseset tjera,

“Një sukses tjetër është edhe shtimi i buxhetit, kemi premtuar t’i shtojmë 40 milionë euro për katër vite, por arritëm ta bëjmë atë brenda 3 viteve.”, tha ai. /Arbresh.info/