Kreu i Aleancës për Ardhmërinë e Kosovës (AAK), Ramush Haradinaj ka përshëndetur aksionin e Policisë së Kosovës në Gjakovë.

Në një postim në Facebook, ai tha se Policia e Kosovës dhe të gjitha uniformat e shtetit të Kosovës vazhdimisht tregojnë se Kosova nuk është vend pa të Zot, shkruan Arbresh.info.

“E përshëndesim aksionin e Policisë së Kosovës sot në Gjakovë. Ata që ikën të turpëruar nga këtu në vitin 1999, nuk kanë vend në Kosovë, për asnjë arsye. Policia e Kosovës dhe të gjitha uniformat e shtetit të Kosovës vazhdimisht tregojnë se Kosova nuk është vend pa të Zot. Nuk u lëkundën dhe nuk na zhgënjyen asnjëherë.”, u shpreh ai.

Haradinaj mes të tjerash tha se rritja e pagave për policët nuk është vetëm kërkesë por detyrim i shtetit ndaj kësaj kategorie esenciale

“Rritja e pagave, dyfishimi i tyre, nuk është vetëm kërkesë, është detyrim i shtetit ndaj kësaj kategorie esenciale të Republikës së Kosovës.”, theksoi ai./Arbresh.info/

Ndryshe, Policia e Kosovës ka arrestuar katër persona mbrëmë në Gjakovë.

Kështu ka bërë të ditur Zyra e Kryeministrit përmes një komunikate për media lidhur me mbledhjen e Këshillit të Sigurisë me kërkesë nga kryeministri në detyrë, Albin Kurti, përcjell Arbresh.info

Në komunikatë thuhet se njëri nga të arrestuarit ishte toger i policisë së Serbisë e tjetri kapiten i ushtrisë së Serbisë./Arbresh.info/

LEXO EDHE:

Arrestohen katër ‘pelegrin’ serb në Gjakovë – njëri toger i policisë e tjetri kapiten i ushtrisë së Serbisë