Kryeministri Albin Kurti, ka thënë se fjala e kreut të AAK-së, Ramush Haradinajt, për dy operacionet e policisë në Veri, është sulm në moralin e Policisë së Kosovës.

“Fjala e Haradinaj është sulm në moralin e policit të Kosovës. Morali i policit të Kosovës është shumë i lartë, kot e ki që po e sulmon. Morali i policit tonë është i paprekshëm, unë kam takuar policinë tonë, kurrë morali i tyre nuk ka qenë më i fuqishëm, e ju po përpiqeni që ta sulmoni moralin policisë tonë atëherë kur do shkoj në veri”, tha Kurti.

Kjo deklaratë e Kurit erdhi pasi Kreu i AKK-së Ramush Haradinaj tha se, dy herë që ka operuar policia e Kosovës në veri të vendit, kemi dalë më të dobët.

‘Pas dy herë që ka operuar policia e Kosovës në veri të vendit, kemi dalë më të dobët. Herën e parë na është mbajtur policia peng në pikat doganore, edhe një i sëmurë polic nuk ka mundur të bartet dhe të shkojë në spital”, thotë Haradinaj. /arbresh.info/