Pacolli: Kur dikush nuk arrin të vendosë rregull në një tryezë diskutimi, duhet lënë vendin për ata që dinë të sjellin rend dhe zgjidhje

15:53 | 7 Maj 2025
Q L

Ish-Presidenti i Kosovës, Behgjet Pacolli, ka ndarë një mesazh frymëzues për ndjekësit e tij në Facebook, duke theksuar rëndësinë e përkushtimit, punës dhe përgjegjësisë.

Ai ka theksuar se ka një rregull që e ka udhëhequr gjatë karrierës së tij politike dhe personale.

“Ka një rregull të pashkruar që më është dëshmuar në jetë e politikë: Kur dikush nuk arrin të vendosë rregull në një tryezë diskutimi, duhet lënë vendin për ata që dinë të sjellin rend dhe zgjidhje.”, tha ai.

“Kjo më ka udhëhequr në çdo hap – edhe atëherë kur të tjerët bënin zhurmë, unë punoja në heshtje për ta gjetur rrugën drejt zgjidhjes. Koha po i tregon të gjitha. Një përqafim i sinqertë për të gjithë miqtë që e vlerësojnë punën, qetësinë dhe rezultatin.”, përfundoi ai./Arbresh.info