5 vjet nga arrestimi i ish-krerëve të UÇK-së, OVL-UÇK: S’ dorëzohemi përballë kësaj padrejtësie historike

08:45 | 5 Nëntor 2025
E.K

Sot bëhen pesë vjet nga arrestimi i ish-krerëve të Ushtrisë Çlirimtare të Kosovës (UÇK): Hashim Thaçi, Kadri Veseli, Jakup Krasniqi dhe Rexhep Selimi, të cilët po mbahen në paraburgim në Hagë në kuadër të procesit gjyqësor të Dhomave të Specializuara.

Në këtë përvjetor, Organizata e Veteranëve të Luftës së UÇK-së (OVL-UÇK) ka reaguar duke e cilësuar periudhën pesëvjeçare si kohë të padrejtësisë ndaj “heronjve të lirisë”.

“Sot bëhen 5 vite nga arrestimi i krerëve të Ushtrisë Çlirimtare të Kosovës. Pesë vite padrejtësi, pesë vite që heronjtë e lirisë mbahen larg familjeve dhe vendit për të cilin luftuan. Ne nuk harrojmë dhe nuk dorëzohemi përballë kësaj padrejtësie historike”, thuhet në reagim./Arbresh.info