Emisari i Bashkimit Evropian për dialogun Kosovë-Serbi, Miroslav Lajçak është deklaruar pas takimit në nivel kryenegociatorësh në Bruksel për çështjen e dinarit.

Me anë të një postimi në “X”, Lajçak tha se në takim u prezantua dokument që ai e quan të kompromisit, shkruan Arbresh.info.

“Pritëm takimin në kuadër të dialogut për ta çuar para ‘çështjen e dinarit, ku ju dha mjaftueshëm hapësirë të dyja palëve për të shpjeguar pozicionet e tyre. Takimi përfundoi duke prezantuar një dokument kompromisi në përpjekje për t’i bërë bashkë dallimet”, ka shkruar ai.

“Do ta mirëpresim takimin e radhës pasi t’i kemi pranuar komentet konstruktive”, përfundoi Lajçak./Arbresh.info/

Hosted a Dialogue meeting on a way forward for the “Dinar issue”, which provided enough room for the Parties to explain their positions. Ended by presenting a compromise paper in an effort to bridge the differences. Will host the next meeting after receiving constructive comments pic.twitter.com/iyjE7pIicu

— Miroslav Lajčák (@MiroslavLajcak) April 25, 2024

Pas takimit trepalësh, kryenegociatori i Kosovës, Besnik Bislimi, tha se Serbia kishte “qëndrime shqetësuese” sa i përket çështjes së transferimit të mjeteve financiare në valutën dinar nga Serbia në Kosovë.

Ndërkaq, kryenegociatori i Serbisë, Petar Petkoviq, tha se bisedimet, që zgjatën më shumë se shtatë orë, ishin “të vështira”

LEXO EDHE:

Bislimi: Serbia kërkon që strukturat ilegale të financohen deri në krijimin e Asociacionit