Lidhja Demokratike e Kosovës (LDK) ka njoftuar se “Turneu i Ndryshimit” po vjen edhe në Zvicër.

Sipas njoftimit, tubimi do të mbahet të dielën më 1 dhjetor nga ora 13:00 në Oltën, shkruan Arbresh.info.

Në këtë tubim, kryetari i LDK-së, Lumir Abdixhiku do të shpalosë programin politik “Rruga e re”, dhe do të shtrojë thirrjen për ndryshim.

“MËRGATË, ‘TURNEU I NDRYSHIMIT’ PO VJEN EDHE NË ZVICËR! Të dashur bashkatdhetarë,
Pas tubimeve masive të ‘Turneut të Ndryshimit’ gjithandej Kosovës, është koha të takohemi me ju, me mërgatën tonë të dashur. Të dielën, më 1 dhjetor, ‘Turneu i Ndryshimit’ do të organizohet në Olten, Trimbach të Zvicrës, nga ora 13:00. Në këtë tubim, kryetari i LDK-së, Lumir Abdixhiku do të shpalosë programin politik “Rruga e re”, dhe do të shtrojë thirrjen për ndryshim.”, thuhet në njoftim.

“Eja dhe bëhu pjesë e ndryshimit! BËHU NDRYSHIMI”, thuhet në njoftimin e LDK-së./Arbresh.info/