Google ADS

Isni Kilaj lirohet në Kosovë me kushte të rrepta

11:49 | 15 Maj 2024
E.G

Gjykata Speciale ka vendosur që ta lirojë nga paraburgimi Isni Kilajn. Vendimi është marrë më 3 maj, derisa është konfirmuar më 13 maj edhe nga një panel i Gjykatës së Apelit.

Sipas vendimit, ai është liruar në kushte të rrepta si, ai duhet t’i japë Administratores një garanci financiare prej 30 mijë  euro si kusht paraprak për lirimin e tij, shkruan Arbresh.info.

Ndër kushtet e tjera është edhe:

  • nuk duhet të largohet nga territori i Kosovës, përveçse me leje të një paneli kompetent të DHSK-së dhe t’i dorëzojë Administratores pasaportën dhe çfarëdo dokumenti tjetër udhëtimi të tij;
  • duhet të japë adresën në të cilën do të banojë gjatë kohëzgjatjes së procesit gjyqësor dhe të paraqitet çdo javë në policinë e Kosovës, në përputhje me procedurat e përcaktuara nga Administratorja;
  • nuk duhet të bëjë, drejtpërdrejt ose tërthorazi, deklarata publike në media dhe/ose mediat sociale lidhur me DHSK-në, ZPS-në dhe ose proceset e DHSK-së, përfshirë deklarata që përmbajnë kërcënime, dhunë ose frikësim të dëshmitarëve dhe pengim të hetimit penal;
  • duhet të marrë pjesë në çdo seancë gjyqësore të kërkuar nga DHSK-ja dhe të përmbushë çdo vendim apo urdhër tjetër të Gjykatës. Gjykatësi i Vetëm theksoi se në rast të mospërmbushjes së ndonjë prej kushteve, do të lëshohet menjëherë urdhër për arrestimin e z. Kilaj./Arbresh.info/

Shpërndaje në rrjete sociale