Policia e Kosovës e ka konfirmuar lëndimin e një personi si pasojë e rënies së një pjese të kulmit të objektit të Komunës së Prishtinës, në lagjen “Arbëria”.

Sipas njoftimit, viktima është dërguar në QKUK për trajtimin e nevojshëm mjekësor.

Lajmin për Arbresh.info e ka konfirmuar zëdhënësi i Policisë së Kosovës për rajonin e Prishtinës, Agron Borovci.

“Rreth orës 13:00, është raportuar se në rrugën “Nora e Hotit” në Prishtinë, një person ka marrë lëndime si pasojë e goditjes nga materiale që janë shkëputur nga çatia e një objekti. Policia menjëherë ka dalë në vendin e ngjarjes dhe mbështetur në informacionet e para është raportuar për një person të lënduar, femër, e cila është dërguar në QKUK për trajtimin e nevojshëm mjekësor. Aktualisht policia ka nisur punën për zbardhjen e plotë të të gjitha rrethanave që karakterizojnë ngjarjen.”, tha ai.

Klinika Emergjente ka thënë për Arbresh.info se një person është dërguar në këtë klinikë.

Lajmin e ka konfirmuar, Drejtori i Emergjencës, Naser Syla.

“Një vajzë sapo është sjellë në Emergjencë, është e moshes së mesme”, ka thënë Syla.

LEXO EDHE:

Një e vajzë e lënduar nga rënia e çatisë së Komunës së Prishtinës, dërgohet në Emergjencë

Bie kulmi i objektit të Komunës së Prishtinës në lagjen “Arbëria”