Haradinaj uron Rutte: Shpresojmë që të jetë zë i fuqishëm në mbështetjen e anëtarësimin e Kosovës në NATO

16:11 | 26 Qershor 2024
E.G

Kryetari i Aleancës së Kosovës (AAK), Ramush Haradinaj e ka vlerësuar zgjedhjen e Mark Rutte në krye të Aleancës së NATO-s, si lajm i jashtëzakonshëm.

Me anë të një postimi në Facebook, ai tha se përvoja e tij e gjatë politike e diplomatike, është garancë për një udhëheqje të suksesshme të Aleancës së NATO-s, shkruan Arbresh.info.

Ai tha se si Rutter gjatë kohës sa ishte kryeministër i Holandës ka qenë një prej mbështetësve të mëdhenj të proceseve demokratike në Kosovë.

“Shpresojmë se ai do të jetë një zë i fuqishëm në mbështetjen e Kosovës drejt anëtarësimit të plotë në NATO, që është synim i palëkundur i yni.”, ka shkruar ai.

“Falënderime pafund Sekretarit aktual të NATO-s, Stoltenberg si dhe urimet më të mira pasuesit të tij, Mark Rutte!”, u shpreh ai./Arbresh.info/