28 Nëntori, Osmani: Të bashkuar në zemër e shpirt, le ta festojmë këtë ditë me krenari

09:49 | 28 Nëntor 2024
E.G

Presidentja e Kosovës, Vjosa Osmani ka shkruar me rastin e Festës së 28 Nëntorit.

Osmani tha se më 28 nëntor, nderojmë historinë, flamurin dhe identitetin kombëtar, duke riafirmuar përkushtimin tonë për fuqizimin e shteteve tona, shkruan Arbresh.info.

“28 Nëntori nuk është vetëm simbol i betejave dhe triumfeve tona, por edhe kujtim i sakrificave tona për të qenë të lirë, në paqe dhe krenarë.”, ka shkruar ajo.

Osmani theksoi se 28 Nëntori është simbiozë e tri momenteve historike që e lartësojnë kombin tonë.

“Ngritja e flamurit në Vlorë dhe shpallja e pavarësisë së Shqipërisë, dalja publike e UÇK-së dhe ditëlindja e komandantit legjendar Adem Jashari.”, ka shkruar presidentja Osmani.

“Të bashkuar në zemër e shpirt, le ta festojmë këtë ditë me krenari!”, ka shkruar Osmani./Arbresh.info/