Një person i kërkuar me urdhër-arrest nga Gjykata Themelore në Prishtinë është arrestuar nga Policia e Kosovës në Gjakovë dhe është dërguar për vuajtjen e dënimit me burgim prej tre vitesh.

Sipas njoftimit të Drejtorisë Rajonale të Policisë në Gjakovë, arrestimi është realizuar më 6 korrik nga Njësia për Ndërlidhje me Gjykatat, në kuadër të Stacionit Policor në Gjakovë.

Personi kërkohej për veprën penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse.”

Pas përfundimit të procedurave policore, i arrestuari është dërguar në institucionin korrektues për vuajtjen e dënimit me burgim prej tre vitesh, ku llogaritet edhe periudha e kaluar në paraburgim.

Policia e Kosovës ka theksuar se mbetet e përkushtuar në zbatimin e vendimeve të organeve të drejtësisë dhe realizimin e urdhër-arresteve, me qëllim forcimin e rendit, sigurisë publike dhe sundimit të ligjit.\Arbresh.info