Ish-gazetari dhe prezantuesi i lajmeve në “Radio Kosova e Lirë”, Nusret Pllana, në një intervistë për arbresh.info, kujton se si e kishte kumtuar lajmin për intervenimin e NATO-s.

Ndonëse, kanë kaluar me shumë se 21 vite që nga paslufta, Pllana ka deklaruar se ne e kemi harruar luftën e përgjakshme të Kosovës, duke u servilizuar ndaj të huajve.

“Pikë të dobët e kemi harresën, pikë të dobët e kemi kujtesën e historisë, e jo vetëm këtë, por pikë të dobët e kemi bajraktarizmin, pikë të dobët e kemi edhe servilizmin ndaj të huajve, prandaj i kemi këto tre defekte të shëmtuara, e po na bëjnë të ndihemi keq, të sillemi narrivicioz, e bota të na bëjë presion e t’a përkëdhel pushtuesin, e gjithë bota e dinë që agresor ka qenë Serbia fashiste mbi Kosovën, e më këtë ka intervenuar fuqia botërore civile e ushtarake NATO”, ka thënë ish-gazetari Nusret Pllana.

Sipas Pllanës, është trup i drejtësisë ndërkombëtare të ftohet në Gjykatën Speciale Kreu i shtetit të Republikë së Kosovës, gjoja si i dyshuar për krimet e supozuara.

“Tash pas 21 vite të ftohen në Gjykatën e ashtuquajtur Dhoma e Specializuar luftëtarët më të dinjitetshme, kreu i shtetit të Republikës së Kosovës, që e ka bartë barrën kryesore të luftës, të ftohen ‘gjoja’ si të dyshuar për krime të supozuara është turp i drejtësisë ndërkombëtare. Evropa kurrë nuk mundet të ia heq turpin vetës, e për herë të parë në historinë e botës të drejtësisë ndërkombëtare ndodh një padrejtësi që të themelohet një Gjykatë Speciale mbi baza të krimeve të supozuara. Serbia duhet të dënohet si shtet për këto krime e jo ne, sepse ne kemi me miliona shënime, fotografi, arkiva, xhirime, storje filmike nga më të ndryshmet nga të gjitha zonat operative të UÇK-së, e këto fakte e dëshmojnë gjenocidin e Serbisë tek shqiptarët. Evropa po e përkëdhel Serbinë fashiste, kjo është turp”, ka deklaruar Pllana.

Në librin e tij të botuar në nëntë gjuhë ‘Terrori i Serbisë Pushtuese mbi Shqiptarët 1844 -1999’, Pllana paraqet fakte përmes të cilave dëshmohet terroi i Serbisë dhe lufta e pastër e UÇK-së.

“Kemi rënë në ‘komë’ për 21 vjet, ku në vend që institucionet tona prej nivelit lokal e deri tek ai qendror, e deri tek ai presidencial, t’i thërrasim personat më eminent, patriota, intelektual, historian, reporter të luftës, gazetarë, e të tregojnë për barbarinë e mizorinë që ka bërë Serbia”, ka vlerësuar Pllana.

Ai “fajëson” institucionet e Kosovës që “harruan” 660 varrezat masive, e vrasjet e civilëve të pafajshëm.

“Në vend që është dashur të bëjnë gati aktakuzat e dëshmitë, ata kanë fjetur, sepse jemi marr më ndërtimin e pallateve. Qe 21 vjet kemi bërë shpenzime të kota”.

Pllana ka thënë po ashtu se gjenerata e reja do të na gjykojnë nesër e pasnesër, sepse jemi treguar të pakujdesshëm./E.Ballazhi/Arbresh.info/

Për më shumë ndiqeni intervistën e plotë:

https://www.facebook.com/arbresh.info/videos/954663171681602/