Deputetja e Partisë Demokratike të Kosovës Ganimete Musliu, ka reaguar pasi Gjykata Themelore e Prishtinës e ka dënuar mërgimtarin D.M, me gjashtë muaj burgim, për shkak të kërcënimit ndaj saj.

Musliu pas vendimit deklaroi se i pandehuri “kishte rënë në propagandën e Lëvizjes Vetëvendosje”.

Sipas saj kërcënimi kishte ardhur pasi që në dhjetor të vitit të kaluar, pas një debati të ashpër që kisha me kryeministrin Kurti në seancë plenare.

Postimi i plotë i saj:

Sot Gjykata e dënoi me gjashtë muaj burg personin që më kanosi në dhjetor të vitit të kaluar, pas një debati të ashpër që kisha me kryeministrin Kurti në seancë plenare.
Ky person që më kanosi nga Zvicra, të premten në seancë tha se “nuk voton në Kosovë prej 20 vitesh” dhe pranimin e fajësisë e bëri krejt formlisht e në mënyrë të pasinqertë. Por, në një pikë ai ishte shumë i sinqertë. Deklaroi se “kishte rënë nën ndikimin e propagandës së Lëvizjes Vetëvendosje”.
Ky është një shembull konkret se gjuha me të cilën partia – shtet i ushqen militantët e saj, është gjuhë e urrejtjes, përçarjes dhe mos durimit. Dhe si e tillë jo vetëm e papranueshme por edhe e dënueshme.
Përndryshe, konsideroj se dënimi ndaj personit që më kanosi, është shumë i ulët dhe do të konsultohem me avokatin tim për të ndërmarrë veprimet e nevojshme për t’a kundërshtuar me ankesë./Arbresh.info/

Dënohet me gjashtë muaj burgim mërgimtari që kanosi deputeten Ganimete Musliu