Pas kidnapimit të tre zyrtarëve policorë të Kosovës, që po dyshohet nga njësitet Speciale të Serbisë, ka reaguar Sindikata e Policisë së Kosovës, e cila ka shfaqur shqetësimin e saj.

Në reagimin e tyre ata kanë thënë se tre policët u arrestuan në territorin e Kosovës, duke kryer detyrat e tyre sipas autorizimeve ligjore dhe Kushtetuese dhe  nga një grup i organizuar i pjesëtarëve të policisë së Serbe pa paralajmërim kidnapohen dhe dërgohen në drejtim të panjohur.

Sindikata e Policisë ka kërkuar urgjentisht të lirohen dhe sa më të shpejt sepse është shkelje e çdo marrëveshje në kundër  të çdo parimi të normave ndërkombëtare, sepse të tre policët ishin duke mbrojtur integritetin e Kosovës.

Brenda territorit të Kosovës, sot, po dyshohet se nga njësitet ushtarake dhe policore janë kidnapuar 3 policë të cilët ishin të armatosur, por nuk rezistuan.

Por, më pas mediat në Serbi, dhe institucionet atje kanë ka thënë se të tre policët janë nisur drejt Beogradit për të dalë para institucioneve të drejtësisë.

Komunikatë për media

Prishtinë 14 qershor 2023

Sindikata e Policisë së Kosovës është e shqetësuar dhe dënon ashpër rastin e kidnapimit të tre zyrtarëve policorë të Kosovës, nga policia Serbe.

Zyrtarët policorë Rifat Zeka, Beqir Sefi dhe Mustafë Shema kanë qenë në Territorin e Republikës së Kosovës duke kryer detyrat e tyre sipas autorizimeve ligjore dhe Kushtetuese dhe  nga një grup i organizuar i pjesëtarëve të policisë së Serbe pa paralajmërim kidnapohen dhe dërgohen në drejtim të panjohur deri me tani.

Përderisa rendi dhe ligji po zbatohet në vendin tonë, Sindikata e Policisë së Kosovës kërkon urgjentisht që të lirohen zyrtarët policor, sepse është shkelje e çdo marrëveshje në kundër  të çdo parimi të normave ndërkombëtare sepse zyrtarët policor kanë qenë thellë brenda në territorin e Republikës së Kosovës,  për  të mbrojtur integritetin e vendit.

Zyrtarëve policorë ju dëshirojmë që mos ju ndodh asgje e keqe, kurse kërkojmë nga të gjithë mekanizmat vendor dhe ndërkombëtar që të njëjtit zyrtar policor  të lirohen sa më parë dhe të kthehen në Policinë e Kosovës.

Policia e Kosovës janë krenaria e të gjithë neve prandaj ju jemi mirënjohës për punën, sakrificën, guximin dhe profesionalizmin që po e tregojnë për çdo ditë në përmbushjen e misionit të tyre.

Sindikata e Policisë së Kosovës