Sulmet e grupeve kriminale serbe ndaj KFOR-it i ka dënuar fuqishëm NATO.

Kjo e fundit ka bërë thirrje të dyja palëve që të përmbahen nga veprimet që nxisin tensione si dhe kërkuan që të angazhohen në dialog.

”NATO dënon fuqishëm sulmet e paprovokuara kundër trupave të KFOR-it në veri të Kosovës, të cilat kanë çuar në plagosjen e një numri prej tyre. Sulme të tilla janë krejtësisht të papranueshme. Dhuna duhet të ndalet menjëherë. Ne u bëjmë thirrje të gjitha palëve që të përmbahen nga veprimet që nxisin më tej tensionet dhe të angazhohen në dialog. KFOR-i do të ndërmarrë të gjitha veprimet e nevojshme për të ruajtur një mjedis të sigurt dhe të paqes dhe do të vazhdojë të veprojë në mënyrë të paanshme, në përputhje me mandatin e tij sipas Rezolutës 1244 të Këshillit të Sigurimit të Kombeve të Bashkuara të vitit 1999”, thuhet në reagimin e NATO-s./Arbresh.info

#NATO strongly condemns the unprovoked attacks against ⁦@NATO_KFOR⁩ troops in northern #Kosovo, which led to a number of them being injured. Such attacks are totally unacceptable. #KFOR will take all necessary actions to fulfil its UN mandate. https://t.co/A7p6ovxsLN

— Oana Lungescu (@NATOpress) May 29, 2023