Ministria e Punëve të Jashtme, do të kërkojnë llogari nëpërmjet kanaleve diplomatike për deklaratat e presidentit turk Rexhep Taip Erdogan.

Kështu ka bërë të ditur këshilltari i parë i Pacollit, Jelir Zyberaj, përmes një postimi ne Facebook.

Shkrimi i plotë:

Turqia është vend mik i Kosovës, vend që e ka mbështetur dhe e mbështet Kosovën në vazhdimësi.

Nëpërmjet kanaleve diplomatike në ditët në vijim do të sqarojmë arsyet e deklaratave të bëra nga presidenti Erdogan, në pajtim me marrëdheniet e mira që kemi si dy shtete dhe të parimeve të barazisë së shteteve sovrane dhe mos-përzierjes në punët e brendshme.

Ne jemi të përkushtuar të kultivojmë marëdhëniet ndërshtetërore me të gjithë partnerët ndërkombëtare dhe me Turqinë mike.

Dihet fare mire se Kosova është e hapur për bashkëpunim dhe dialog me Turqinë në secilën fushë, pa pasur nevojë për interferim në punët e brendshme.

Kosova ka institucionet e veta dhe ato udhëhiqen me pergjegjesi dhe respekt nga udhëheqësit e zgjedhur me votën e popullit./arbresh.info/