Në mbledhjen e Qeverisë së Kosovës u miratua shqyrtimi i propozimit për autorizimin e Ministrit të Infrastrukturës për nënshkrimin e Deklaratës së Ballkanit Perëndimor për Siguri në Rrugë.

Ministri i Infrastrukturës, Pal Lekaj tha se nënshkrimi i kësaj deklarate pason planin e veprimit për t’i realizuar synimet për siguri në trafik.

“Kjo deklaratë është në dobi të vendeve nënshkruese. Nënshkrimi do të bëhet në Lublanë”, tha Lekaj.

Në mbledhje  u miratua poashtu shqyrtimi i propozimit për autorizimin e Ministrit të Infrastrukturës për nënshkrimin e Deklaratës së Ballkanit Perëndimor për Kalimin Kufitar.

Ministri i Infrastrukturës, Pal Lekaj tha se këtë deklaratë e përgatiti Komisioni Evropian dhe do të nënshkruhet në Lublanë.

“Kjo deklaratë lehtëson qarkullin e njerëzve dhe mallrave. Fokusohet në 32 vendkalimet në rajon dhe parasheh menaxhimin e kufirit. Parasheh krijimin e një mekanizimi punues ndërmjet administratave që ka për qëllim ndalimin e vonesave në kufi”, tha ai./Arbresh.info