Licenca e avokatëve të Kosovë tanimë njohët zyrtarisht nga Gjermania.

Kështu ka njoftuar ambasadori i Kosovës në Gjermani, Farku Ajeti i cili theksoi se kjo është arritje e jashtëzakonshme për drejtësinë kosovare, përcjell Arbresh.info.

“Tani e tutje, avokatët e licencuar nga Republika e Kosovës do të mund të ushtrojnë funksionin e tyre edhe në Republikën Federale të Gjermanisë. Kjo është një arritje e jashtëzakonshme jo vetëm për marrëdhëniet e shkëlqyera ndërmjet dy shteteve tona, por edhe për drejtësinë kosovare”, ka shkruar Ajeti në rrjetin social Facebook.

Sipas tij, tani avokatët nga Kosova mund të përfshihen më lehtë në raste ndërkombëtare dhe të ofrojnë ekspertizën e tyre në çështje juridike.

“Ky kapitull i ri ofron një mundësi të jashtëzakonshme, që dija dhe përvoja e avokatëve kosovarë të jenë në proporcion të drejtë me standardet ndërkombëtare të drejtësisë dhe të integrimit juridik, përkatësisht të përshtatmërisë së kuadrit ligjor të avokatisë kosovare me atë gjermane dhe evropiane. Faleminderit Ministrisë Federale të Drejtësisë për besimin e vazhdueshëm ndaj Republikës së Kosovës”, tha tutje Ajeti./Arbresh.info