Dogana e Kosovës ka nisur një aksion në qytetin e Pejës, në bashkëpunim me Administratën Tatimore të Kosovës.

Zëdhënësi i Doganës, Adriatik Stavileci, konfirmoi për Arbresh.info se operacioni po zhvillohet në dhjetë lokacione të ndryshme.

Ai theksoi se ky aksion është pjesë e përpjekjeve për të forcuar zbatimin e ligjit dhe për të parandaluar humbjet e të ardhurave për shtetin.

“Në kuadër të planit operativ, Dogana, së bashku me Administratën Tatimore të Kosovës (ATK), janë duke kryer kontrolle në dhjetë lokacione në qytetin e Pejës. Këto kontrolle kanë për qëllim të identifikojnë parregullsitë tatimore, kontrabandën, dhe shmangien e detyrimeve doganore. Aksioni është pjesë e përpjekjeve për të forcuar respektimin e ligjit dhe për të parandaluar humbjet e të ardhurave për shtetin. Pasi të përfundojnë inspektimet, rezultatet e këtij operacioni do të bëhen të ditura për publikun në kohën e duhur, duke përfshirë detaje mbi masat e marra kundër shkelësve të ligjit”, thuhet në njoftim./Arbresh.info