Kryetari i Aleancës për Ardhmërinë e Kosovës, Ramush Haradinaj në ditën e inaugurimit të presidentit Donal Trump, ka takuar kongresmenët, Gary Palmer (Alabama), Andy Harris (Maryland) dhe Brad Knott (Karolina e Veriut).

Me anë të një postimi në Facebook, Haradinaj tha se ka takuar edhe përfaqësues eminentë të mërgatës shqiptare në SHBA, përcjell Arbresh.info.

“Sot, ditën e inaugurimit të Presidentit Donald Trump, pata kënaqësinë ta filloj me takime përmbajtësore me kongresmenët, Gary Palmer (Alabama), Andy Harris (Maryland), Brad Knott (Karolina e Veriut), si dhe me përfaqësues eminentë të Mërgatës Shqiptare në Shtetet e Bashkuara”, tha Haradinaj.

“Avansimi i marrëdhënieve të Kosovës me ShBA, koordinimi dhe anëtarësimi në NATO, janë jetike për sigurinë, demokracinë dhe të ardhmen e vendit tonë”, tha Haradinaj./Arbresh.info