Ata, marrë individualisht dalin të jenë jo të parët në botë për nga pasuria (561.900 dollarë për person të rritur), por edhe të lënë vendin e dytë shumë larg tyre australianët, me nga 372 mijë dollarë

Edhe në një renditje tjetër zviceranët “grabisin” vendin e parë në botë. Ata, marrë individualisht dalin të jenë jo  të parët në botë për nga pasuria (561.900 dollarë për person të rritur), por edhe të lënë vendin e dytë shumë larg tyre: australianët me nga 372 mijë dollarë; aAmerikanët me 345 mijë dhe norvegjezët me 312 mijë dollarë janë në vendin e tretë dhe të katërt të listës.

Këtë konstatim e ka arritur  “Global Wealth Report”  i Credit Suisse Research Institute. Për këtë raport, i cili ende nuk është publikuar, ka shkruar gazeta “NZZ am Sonntag” në numrin e sotëm, transmeton albinfo.ch. Edhe drejtuesja e përpilimit të këtij raporti, Lucia Waldner e ka konfirmuar atë që ka shkruar gazeta, duke u përgjigjur: “Zvicra është udhëheqësja e pakontestueshme sa i përket mirëqenies në gjithë botën”. Ndërkaq instituti i përmendur parasheh që deri në vitin 2020 pasuria mesatare e zviceranëve të arrijë në 606 mijë dollarë për person të rritur.

Ndërkaq, sipas raportit, zviceranët nuk janë të parët në botë vetëm sa u përket kursimeve. Ata janë “më të mirët” edhe kur është puna për hyrjen në borxh! Kështu borxhi mesatar për kokë zvicerani në vitin 2016 është rritur sërish dhe është i lartë në konkurrencë botërore. Ai këtë vit arrin në 20 për qind të pasurisë.