Ngushtica e Bosforit, që ndan kontinentin e Evropës me atë të Azisë ka ndryshuar papritmas ngjyrë. Duke u shndërruar nga e kaltër e mbyllët në bruz.

Ndryshimi ka alarmuar qytetarët që spekulojnë se mund të jetë për shkak të ndotjes apo ndonjë tërmeti, raporton AFP, transmeton portali arbresh.info.

Shkencëtarët megjithatë, kanë siguruar banorët që shkaku i ndryshimit të papritur është për shkak të një fitoplankton përgjatë Detit të Zi, dhe nuk ka arsye për alarm.

“Ky është një bekim për Detin e Zi”, tha Ahmet Cemal Saydam, profesor i shkencave të mjedisit në Universitetin Hacettepe.

Fitoplanktoni, organizma mikroskopikë të fotosintezimit, janë një element kyç i ekosistemeve detare pasi ato konsumohen nga një gamë e gjerë e kafshëve të detit./Arbresh.info

https://www.instagram.com/p/BVWcEydFel-/