Themeluesi i Teslas dhe shefi ekzekutiv Elon Musk ka krijuar një kompani të quajtur Neuralink përmes së cilës kompjuterët mund të shkrihen me trurin njerëzor, raporton Wall Street Journal, duke cituar persona të afërt me çështjen.

Neuralink është duke ndjekur atë që Musk e quan teknologjia e  “lidhjes neurale”, që nënkupton vendosjen e elektrodave të vogla të trurit që një ditë të mund të ngarkohen dhe shkarkohen mendimet, transmeton portali arbresh.info.

Musk nuk e ka bërë ende njoftimin zyrtar, por Neuralink është regjistruar në Kaliforni si kompani e “hulumtimit mjekësor” korrikun e shkuar.

Është e paqartë se çfarë produktesh do të krijojë Neuralink, por njerëzit të cilat kanë pasur diskutime me kompaninë përshkruajnë një kompani të ngjashme me kompanitë e hapësirës SpaceX dhe Tesla.

Javëve të fundit, Neuralink gjithashtu ka punësuar akademikë të fushës./Arbresh.info